Visita esta página en castellano

SAVE THE CHILDREN HAURREN ALDEKO GKE-AK EUSKADIN ETA MUNDUAN LAN EGITEN DU, HAUR GUZTIEN BIZIRAUPENA, IKASTEKO AUKERA ETA INDARKERIAREN AURREKO BABESA ZIURTATZEKO.

NOR GAREN

Haur guztiek dute etorkizuna izateko eskubidea. Euskadin eta mundu osoan egunero egiten dugun lanaren bidez haur guztien biziraupena, ikasteko aukera eta indarkeriaren aurreko babesa ziurtatu nahi dugu. Larrialdi bat gertatzen denean eta neska-mutilak zaurgarriagoak direnean, gu gara beti iristen lehenak eta alde egiten azkenak. Haur eta nerabeen beharrei erantzuten diegu, eta haien ahotsak entzuten direla ziurtatzen dugu. Aldaketa iraunkorrak lortzen ditugu milioika haurren bizitzan, baita haiengana iristea zaila denean ere.

Behar den guztia egiten dugu haur guztiek, egunero nahiz larrialdi bat gertatzen denean, beren bizitzak eta elkarrekin eraikitzen ari garen etorkizuna aldatzeko aukera izan dezaten.

ZER EGITEN DUGU EUSKADIN?

Duela 100 urte baino gehiago jaio ginen, munduak haurrak tratatzen dituen modua betiko aldatzeko konpromisoarekin. Aurrerapen handiak lortu ditugu haurren ongizatean eta haien eskubideekiko errespetuan, baina erronka asko ditugu oraindik ere. Ez dugu etsiko horiek guztiak lortu arte.

Euskadin, 2004. urteaz geroztik ari gara lanean, pobrezia eta gizarte-bazterketako egoeran dauden 600 haur inguru artatzen ditugu, hezkuntza-laguntza, aisialdiko eta denbora libreko jarduerak eskainiz. Bulegoak ditugu Bilbon eta Gasteizen, gure programak sustatzeko eta haurren eskubideak babesteko. Euskadiko Haur eta Nerabeentzako Baliabideen lehen Zentroa dugu Barakaldon, gizarte-bazterketa eta pobrezia jasateko arriskuan dauden 6 eta 12 urte bitarteko haurrei zuzendua. Save the Children Espainiako kide gara, eta erakunde independente liderra gara haurren eskubideen defentsan mundu osoan; izan ere, 115 herrialdetan gaude.

NON EGITEN DUGU LAN

Haur guztien eskubideen alde borrokatzen gara, dauden tokian daudela, edozein egoeratan eta jatorria edo familiaren jatorria edozein dela ere. Hala ere, gure abiapuntua egoerarik zailenak bizi dituzten haur eta nerabe guztiak dira, haiengana iristea zailagoa baita.

HAURREKIN EUSKADIN

Ia 20 urte daramatzagu Euskadin haur zaurgarrienekin lanean. Egunero 600 haurrengana iristen gara Barakaldon, Bilbon eta Gasteizen, haurrei eta haien familiei arreta integrala eskaintzen dieten programen bidez, bizi duten egoera ekonomikoak edo gizarte-bazterketak ez diezaien eragotzi beren eskubideez eta gaitasunez erabat gozatzea. Gure ahalegin gehienak agenda politikoan eta erabakiak hartzeko prozesuan eragina izatera zuzentzen dira, haur guztientzat aldaketak eta hobekuntzak lortzeko.

Haurren aurkako indarkeria mota guztiak prebenitu eta desagerrarazi nahi ditugu, pertsona helduek etxean eta etxetik kanpo erabiltzen duten eta batzuetan beste haur batzuek ere eragiten duten indarkeria fisikoa, sexuala eta emozionala barne. Gure ustez, funtsezkoa da sexu-abusuaren tabua baztertzea, abusuak pairatzen dituzten biktimei gertatzen ari zaiena ulertzen laguntzea eta arau-hausteen kasu horiek ezagutaraztea. Euskadin, oinarrizko erakunde eta eragileekin batera ari gara lanean, abiapuntuko diagnostiko bat egiteko eta Barnahus eredua ("haurren etxea") euskal testuingurura egokitzeko. Adingabe horiek babesteko mekanismo horrek haurren kontrako ustezko sexu-abusu kasu baten aurrean profesionalek aurrez aurre dituzten erronka askori ematen die erantzuna, hain zuzen.

Gainera, migratzaile haurrekin lan egiten dugu, amekin, gurasoekin edo zaintzaileekin batera edo pertsona helduren baten zaintzarik gabe mugitzen diren haurrekin, uste baitugu gizarte kohesionatu eta garatu batek bizi-proiektu bat eraikitzera datozen pertsonen integrazio osoa erraztu behar duela. Hezkuntza-berrikuntzako gure proiektu bat Bizikidetzarako Errezetak, da, eta haur migratzaileen errealitateari buruzko prestakuntza, informazioa eta sentsibilizazioa ditu xede. Familia-erreferenterik gabeko gazte talde baten sorrera ere sustatu dugu. Talde horretan, prestakuntza eta parte-hartzea lantzen dira, emantzipatzeko eta gizarteratzeko gaitasunak indartzeko, euskal gizarte osoa sentsibilizatzeko eragile aktibo izateko eta Euskadin elkarte bat sortzera iristeko. Bi proiektu horiek batez ere Lankidetzarako eta Elkartasunerako Euskal Agentziak finantzatzen ditu.

CRIA SAVE THE CHILDREN

HAUR ETA NERABEENTZAKO BALIABIDE ZENTROA

2017an, Bizkaiko lurraldean beharrak identifikatzeko prozesu bat egin ondoren, 6 eta 12 urte bitarteko haurrekin esku hartzen hastea erabaki zen, Barakaldon (Bizkaia). 

2018ko ekainaz geroztik, kalteberatasun-egoeran dauden haur eta nerabeentzako arreta integraleko eredu baten bidez esku hartzen da; zehazki, Gurutzeta auzoan Haur eta Nerabeentzako Baliabide Zentro bat ezarriz. 

Gurutzeta ikastetxean urtebetez esku hartu ondoren, CRIAk 2019ko azaroaren 19an ekin zion bere ibilbideari. 

Proiektua haur eta nerabeen (aurrerantzean NNA) eta haien familien bizitzan eragin positiboa sortzeko planteatzen da, haien errealitateen eraldaketa eragiteko. 

Helburua da arreta integraleko programa bat ezartzea NNArentzat eta haien familientzat, gizarte- eta hezkuntza-arloko esku-hartzean oinarrituta, eta honako hauek kontuan hartuta: eskola-sustapena eta -arrakasta, aisialdi- eta aisialdi-gune inklusiboak sortzea, ingurune komunitarioan parte hartzea eta inplikatzea, eta familia-harremanak hobetzea eta sare komunitarioak indartzea.

Egun, baliabidea 6 eta 16 urte bitarteko haur eta nerabeentzat eta haien familientzat da, eta joan den ikasturtean 180 NNA baino gehiagorekin eta 130 familia baino gehiagorekin itxi zen. 

Zentroan esku-hartzeko ohiko ordutegia 16:00etatik 20:00etara da, eta bertan ezartzen dira jarduerak. 

Ordutegiei eta jarduerei buruzko informazio gehiago.

NAZIOARTEKO PROIEKTUAK

EUSKADIKO FUNTS PUBLIKOEKIN

Haur eta nerabeentzat migrazio-bideek duten arriskua kontuan hartuta, behin eta berriz azpimarratu nahi dugu migratzaileak baino lehen haurrak direla. Eskubidedun subjektuak dira, eta horrelaxe tratatu behar dira.

Lankidetzarako eta Elkartasunerako Euskal Agentziaren laguntzarekin, 2023-2024 lan egiten dugu: 

• Filipinetan egindako esku-hartzearen helburua da Mindanao probintzietako 6 udalerrietan gatazka armatuak eta indarkeriak kaltetutako gizon, emakume eta gazteen beharrizan humanitarioak asetzea. 2023an hasitako esku-hartze honen helburua da bizimoldeak babestea eta leheneratzea, familiek oinarrizko eta elikadura-beharrak ase ditzaten. Ekintzak komunitate justuak, produktiboak eta erresilienteak sustatzea espero da; besteak beste, martxan jartzeko kit-ak eta kapitala barne, enpresa-garapenaren gaineko ahalmenak garatzea  eta markatuarekin lotura izatea. 

2022-2023an lan egiten dugu:

• Mexikon, iparraldeko mugan dauden haur, nerabe eta emakumeen beharrei erantzuteko. Ziurtatzen ari gara ongizate psiko-emozionala, indarkeria-kasuen identifikazioa, arreta eta erreferentzia (generoan oinarritutako indarkeria barne), hezkuntza ez-formala, eta indarkeriari aurre egiteko eta biktimen eta bizirik dirautenen erantzuna koordinatzeko mekanismoak hobetzeko funtsezko aktoreen gaitasunak indartzen, Tijuanako bi aterpetxetan (Kalifornia Beherean) eta Ciudad Juárezen hiru aterpetxetan (Chihuahuan).Mexikon, bageneukan beste proiektu bat 2020-2021ean, haurrentzat seguruak diren espazioak bermatzeo, migrazio-prozesuan zehar nolabaiteko normaltasuna berreskura dezaten (batez ere bakarrik bidaiatzen duten haurrentzat), eta baita haurrak eta haien familiak ihes egitera behartzen dituzten kausak desagerrarazteko ere, pobrezia eta indarkeria, besteak beste.
• Filipinetan, hezkuntza-aukerak eskuratzeko eta gatazka armatuak kaltetutako haur eta nerabeentzako babes-beharrei erantzuteko Mindanaoko 6 udalerritan, generoan oinarritutako indarkeria-kasuak prebenitzea eta haiei erantzutea barne, baita irakasleen, gurasoen eta babes-zerbitzuen hezkuntza-arloko eta haur-babeseko gaitasunak indartzeko ere. 2021-2022 urtean hasi zen proiektu hau.

2021-2022an lan egiten dugu:

• Sudanen, Mendebaldeko Darfur gatazkaren ondorioz lekuz aldatu diren pertsonen ur, saneamendu eta higiene beharrei erantzun humanitarioa emanez. Herrialde osoko 124 osasun-zentrori laguntzen ari gara, besteak beste, oinarrizko sendagaiak, ekipamendu eta material medikoak eta laborategikoak hornituz, babes-materiala barne, eta osasun-zentroak birgaitzen eta ura eta elektrizitatea hornitzen laguntzeaz, arretaren oinarrizko kalitatea bermatzeko.

Gainera, Eusko Jaurlaritzako Giza Eskubideen Zuzendaritzaren laguntzarekin, Serbian eta Bosnia-Hertzegovinan ari gara lanean 2020-2021ean, haur zaurgarrienak (haur migratzaileak eta iheslariak) babesteko eta, horrela, babes-neurrien esparruan ikaskuntza-aukerak eskura ditzaten, COVID-19ak sortutako premiei erantzuna emanez eta nazioarteko babes-arau eta estandarrak kontuan hartuta.

Ikusi gehiago

NON GAUDEN EUSKADIN

Bilboko egoitza

Hurtado Amezaga kalea 20, 5.a A – 48008 Bilbo (Bizkaia)

Telefonoa: (+34) 946 620 109

Bazkideentzako arreta-zenbakia: 900 37 37 15

euskadi@savethechildren.org

Gasteizko bulegoa

Manuel Iradier kalea 22 – 01005 Gasteiz (Araba)

Telefonoa: (+34) 945 134 368

Haur eta Nerabeentzako Baliabide Zentroa – Save the Children

Bake kalea, 25 – 48903 Gurutzeta – Barakaldo (Bizkaia)

Telefonoa: (+34) 944 070 289

cria.barakaldo@savethechildren.org

Tweets by SaveChildrenEus